اسباب الاحباط
مافيش شك ان فيه اسباب كتيرة ممكن تحبطنا ؟ زي ايه؟ 🤔
مافيش دعم من الأهل والعيلة والأقارب.
تخللي أقرب الناس عننا وأولى الناس بتحمل المسئولية معانا
كلمات قاسية من متخصص ان ابنك مش هيتحسن او مش هيتكلم او مش هيبقي كذا وكذا
نشوف الجانب السيء من الأمور. نشوف الدنيا ضلمة ونختصر الحياة كلها علي حالة ابننا فقط
مش شايفين ولا حاطين قدام عينينا النتايج النهائية
نحط أهداف غير واقعية مانقدرش نحققها ف نُحبَط.
عدم اقتناص الفرص. كم فرصة بتيجي لينا في طريق تأهيل اولادنا واحنا مابنستغلهاش بتزود احساس الإحباط.
طول ماحنا مكسلين هنحس بالاحباط. نشتغل شوية 😄
دور الضحية بيحبطنا.. انا اللي مافيش زيي!! انا اللي مظلومة!!! انا اتعس واحد!!! انا مش عايش حياتي.. انا مش عارفة اخرج.
سوء إدارة الوقت.. بمعني مش عامل جدول زمني للشغل مع ابني ويعدي يوم ورا يوم بلا عمل بلا هدف بلا نتيجة.. نفقد الأمل... نحزن... نحبط.
انعدام الثقة بالنفس..انا ام فاشلة... ماينفعش اكون اب... انا السبب في تعب ابني... مش هعرف اساعد ابني.. مش هعرف اشتغل... مش قادرة اكمل... الموضوع صعب عليا.. كل دي هواجس تفقدك الثقة بنفسك وبالتالي لن تفعل شيء مدي حياتك.
ايضاً.. نظرة المجتمع وربما العائلة احيانا لاولادنا.. بتخلينا فاقدين الثقة فيهم وفي، نفسنا كمان.
كمان الاحساس بالانعزال عن العالم. محبوسين بعيدا عن أعين التنمر... ومجتمع قاسي لا يرحم.. ده بيخلينا محبطين.
الشخصيات المزدوجة والهروب من الواقع سبب للاحباط.. يعني اخاف من صحابي او اقاربي يعرف بحالة ابني... فتلاقيني بشخصيتين وعامل حسابات عالفيس مختلفة حساب للناس... وحساب عشان حالة ابني.. ده بيدمر الانسان من جوا.
آثار الإحباط علي اولادنا
تأكدوا ان أطفالنا يشعرون بنا
وان لم يستطيعوا التعبير عن ذلك.
يسعدون لسعادتنا😍
وينتكسون لاحباطنا .
تأكدوا "وبالتجربة" انه كلما كنا اكثر تفاؤل وأمل وايجابية كلما كان استيعاب اولادنا للتعليم والتأهيل اقوي وأسرع.
كلما زادت ثقتنا في أنفسنا وفيهم كلما وثقوا بنا وبقدراتهم.💪
أشعروهم بالأمان.. وبانهم اجمل ما حدث لنا...
كلما وجدت نفسك او ابنك حزينا تذكر سيدنا موسى مع اخيه هارون لما ربنا قال لهما " اننى معكما اسمع وارى "
تذكر قول الله " لا تحزن ان الله معنا " احتضن ابنك وامسك برأسة وانظر لعينيه وقل له لا تحزن يا وليدى ان الله معنا.
ابنك مشروعك وراسمالك لن تستطيع غرس ثقتة في نفسه الا اذا كنت واثقاً من نفسك.
حالتة النفسية من حالتك..
وامله من املك.. واستجابتة للتعليم والتأهيل من استجابتك للواقع ورضاك بالمكتوب.
ابنك هيتحسن كلما رآك صابراً مثابراً
مجداً مجتهداً.
وينتكس لانتكاساتك وسقطاتك.
تلوم علي ابنك العصبية والعناد وانت سبقته بها؟!!!
تلوم علي ابنك عدم الاستجابة وتتهمة بالبلادة وانت تعلمه بلا اقتناع.. بلا هدف... بلا مشاعر... بلا امل... تظنه جماداً وهو يفهمك من نظراتك 😢
تفعل امامه مالا تفعله أمام اخوتة وكأنة مستوي ثان من الأبناء 😭😭😭. وتظنة لا يحبط لذلك
تجعله اخر اهتماماتك.. وتسقطه من حساباتك بحجة انك فقدت الأمل ومافيش فايدة..
"لو مافيش فايدة يبقي مافيش فايدة فيك انت"
باحباطك.. احبطت الام
وبتخلي عن دورك.. زرعت اليأس والهم والحزن في قلبها.
وبأنانيتك وحبك لنفسك وهواك.. احبطت الولد.
وجعلتة منطويا منعزلا يعاني قدرة المحتوم... ويصارع منك قلبه المكلوم.
اولادنا... نبتة خضراء...
ان رويتها أملا وحبا وتفاؤلا ً. ازهرت كذلك🌷🌹
وان رويتها جفاءاً. ويأسا. وتذمراً
امتها بذلك 😢😭
راقبي صوتك وعصبيتك وبكاءك والمك.. قبل أن تلومي علي ابنك.
"ابناؤنا مرآتنا"
اذا اردت ان تري فيهم الجمال والسلام والتفاؤل والإقدام.
فكن انت
"ان الله يحب الفأل ويكره التشاؤم"
أ/ هانى ذكى
أب لطفل توحدى
ليست هناك تعليقات:
إرسال تعليق
شاركينا تجربتك ...