الفرق بين السلوك الحسى والسلوك الغير مرغوب

 

صباح الفل ع كل مامى طفل فاكرة ان كل حاجة طفلها بيعملها دى سلوك غير مرغوب ...

ي ميس الولد / البنت بتضرب رأسها ف الحيط وتخبط بأيديها جامد على الأرض وكل ما ازعق أو حتي أضرب مفيش فايدة برضو بيرجع / بترجع تخبط رأسها / رأسه فالحيطة والأرض ولا كأني بتكلم

أو تيجي تقولى الولد طول الوقت بيزن وعامل دوشة وبيتكلم بصوت عالي انا وبباه وأخواته صدعنا خلاص وهو مفيش فايدة فيه مع انه فاهم اننا متضايقين

هنا لازم نسأل نفسنا سؤال مهم جداااا...... هل طفلي بيعمل كدة طريقة عن تعبيره عن الرفض

انا بأكله مثلا وهو شبعان !!

نازلين الحضانة وهو عايز يقعد فالبيت!!

اخته خدت منه لعبته فعضها أو خبط رأسه فالحيطة!!!

لازم نفرق جداااا ونلاحظ ونخلى بالنا من سبب حدوث السلوك اللي الطفل بيعمله دا

لو سبق الخبط أو العض أو الصوت العالي أي سبب زى اللي لسة قايلنو فوق دا

يبقي طفلك بيعبر عن رفضه بطريقة غير مقبولة ومحتاج يتعلم طرق تانية للتعبير

طيب لو بيعمل الأعراض دى ومعندهوش سبب واضح لفعلها...

وكمان بيعمل كدة عمال على بطال وبدون سبب 

 

 

 

هنا ببدأ أخلى بالي وألاحظ سلوكه الحسي وأتجه بيه لأخصائي المعالجة الحسية علشان يساعدنى ويقولى أعمل إيه وإزاي نقدر نّقدر إحتياجات الطفل الحسية ونتعامل معاها بالشكل الصحيح

اتواصلى معانا وهنساعدك

أخصائية التخطيط الحركى ( إسراء جابر )