حاسة "الحس العميق"(الفترة الجاية هنتكلم عن الحواس بشكل مفصل ومشكلاتها وازاى تتدخلى مع طفلك فالبيت )
ازاي أراعي إحتياجات إبني الحسية ... 
بس قبل ما نتكلم عن طريقة للتعامل مع احتياجات ولادنا الحسية .... لازم الاول نفهم ونعرف ايه هي الصعوبات اللي بيمر بيها جهازهم العصبي علشان توصلهم المعلومات اللي فالبيئة اللي حواليهم
وإزاي الصعوبات دى بتأثر علي هدوئهم وإنتباههم ، وحتي إستمتاعهم بالحاجات اللي بيحبوها....
أد إيه حاجة بالنسبة لنا تبان بسيطة بس ولادنا بيعانو منها ...
هنتكلم النهاردة عن حاسة إسمها " الحس العميق "أيوة إسمها الحس العميق 
إحنا كأخصائيين معالجة حسية لما بنيجي نشتغل مع طفل بنتعامل مع سبع حواس مش خمسة
خلينا نوضح ايه معني الحس العميق وايه هي مشاكله وصعوباته اللي بتواجه ولادنا ..... والمرة الجاية هقولكم نتعامل مع الصعوبات دى فالبيت ازاي ....
الحس العميق هو الحاسة المسئولة عن معالجة معلومات وزن الأشياء أو وزن الطفل نفسه ووضعية الجسم .
وزى ما العين هى الحاسة المسئولة عن البصر
ف الاوتار والمفاصل والعضلات هى المسئولة عن الحس العميق ... وأي نشاط بيقوم بيه الطفل بيمس حاجة من التلاتة دول
هو بمثابة معلومات بتاخدها الحواس تنقلها للمخ علشان يعالجها ويتعامل معاها ....
هو بمثابة معلومات بتاخدها الحواس تنقلها للمخ علشان يعالجها ويتعامل معاها ....
فكرة تحديد الجهد المطلوب 
للقيام بطلوع السلم أو النزول دى مش عملية بتحصل بسهولة
للقيام بطلوع السلم أو النزول دى مش عملية بتحصل بسهولة ولادنا ممكن وهما طالعين يدبدبو برجليهم جامد جدااا
أو ممكن بدل ما يرفع رجله ١٠ سم علشان يطلع السلمة هو ممكن يرفع رجله ٥ سم بس وفاهم انه كدة يقدر يطلع
ولادنا ممكن يمشو علي أطراف أصابعهم وقت طويل
ولادنا ممكن يجزو علي أسنانهم بشكل غير طبيعي
ولادنا ممكن يكونو بينطو وقت طويل فاليوم
بيعضو نفسهم أو أخواتهم بدون سبب
بيمصو أصابعهم
تيجي ام تقولى ابني بيحط حاجات غير صالحة للأكل ف بقه وبيعض عليها ...
أقولها استنيني فالبوست الجاى هقولك تعملى ايه فالبيت بالتفصيل علشان نتفادى الأعراض دى وفى نفس الوقت منضغطش علي الولد لانه فالآخر دا احتياج حسى بدون إرادة منه كاملة 
اتواصلى معانا وهنساعدك 
أخصائية التخطيط الحركى ( إسراء جابر )
